بسم الله الرحمن الرحيم
موضوعنا انهاردة إن شاء الله عن
قاعد فى البيت و مش بتعمل حاجة و عاوز تستفيد بوقتك ضيع نص ساعة فى قراية الموضوع ده و مش حتخسر صدقنى حتكسب !
ملحوظة بس
- محدش يدوس على الكلام اللى فيه لينكات عشان حيوديكم لآول صفحة فى المدونة الموضوع بأكمله حيبقى هنا فى المشاركة ديه
نرجع بقى تانى لموضوعنا
نبتدي واحدة واحدة كدة و معايا إن شاء الله الدنيا حتبقى واضحة و نفهم كل حاجة انا حشرح كل حاجة بالتفصيل الممل و بالمختصر المفيد برده
بالصلاة على النبى كدة انا حفترض إن قدامى شخصين
اول واحد: بيقولى مافيش حاجة إسمها كسب من الأنترنت و انت بتشتغل الناس و انا جربت حاجات كتيرة كلها طلعت نصب و بكش فى أونطة ؟
نبتدي واحدة واحدة كدة و معايا إن شاء الله الدنيا حتبقى واضحة و نفهم كل حاجة انا حشرح كل حاجة بالتفصيل الممل و بالمختصر المفيد برده
بالصلاة على النبى كدة انا حفترض إن قدامى شخصين
اول واحد: بيقولى مافيش حاجة إسمها كسب من الأنترنت و انت بتشتغل الناس و انا جربت حاجات كتيرة كلها طلعت نصب و بكش فى أونطة ؟
تمام
الشخص التانى: بيقولى لآ انا عارف إن فى كسب و ربح من الأنترنت بس انا قريت ياما و مش عارف اطبق و بعدين انت حتقول ايه جديد ماهو ذيك ذي غيرك ومش حفهم حاجة برده ؟
جه دوري انا بقى ارد على الجوز الحلويين دول
بصوا يارجالة كنت شبهكم كدة فى الأول عشان مافيش حد بينزل من بطن امه فاهم كل حاجة و عارف كل حاجة
و مازلت على ماأعتقد فى خبايا كتير فى حوار الربح ده معرفهاش بس انا عرفت اللى عرفته و بنفذه دلوقتى من معلومات إذاي
كل اللى عملته حطيت سؤال فى دماغى وعملت سيرش عليه مرة و اتنين و 10 و كل ماوصل لإجابة السؤال اللى انا عاوزه.. الاقى أسئلة كتيرة بتتفتح معايا و ابقى عاوز إجابتها دورت و سألت وربنا عطرنى فى ناس ولاد حلال و فادونى برده ذي مانا ناوي افيدكم وارد الجميل للناس اللى كانوا ذي حلاتى فى الأول دلوقتى
على فكرة طريقة فى الكلام بلدي اوي شكلك كدة لوكال
متشكرين منك يا حجيجة بس احب اقولك انا بتكلم لغة الشارع لو الفاظى ديه شوارعية عاوزك تعرف إنى ملاك و ماليش دعوة بالكلام ده
هههههههههه بهزر بس انا فعلا بتكلم باللغة العامية عشان الشعب توصله المعلومة عشان لو حكلمكم بالمصطلحات اللى انا اعرفها حتقفلوا الصفحة و مع السلامة روح إنما اللغة ديه مافيش حد مبيفهمهاش ايا كان
نرجع تانى بقى تركييـــز عشان ندخل فى الموضوع
قبل أي حاجة خدنى على قد عقلي و
اولا خليك مصدق إن فيه ربح من الأنترنت وامشى ورا الكداب لغاية باب الدار مش حتخسر حاجة
ثانيا خلي جواك رغبة لو فهمت اللى انا حقوله إنك توصل للكلام ده و أحسن منه كمان وتعرف الدنيا فى المجالات ديه ماشية إذاي
تعالى بقى و نسأل نفسنا سؤال بقى وده.. أول سؤال انا سألته لنفسي و أهم الأسئلة اللى حتوصلك الإجاباتاللى بتدور عليها كلها إن شاء الله
ايه وجه الإستفادة من الناس اللى بتعمل مواقع على النت والناس اللى بتدينا الأفلام و الأغانى و البرامج و..و .. و و انا مجرد واحد بدخل اتفرج على الموقع و أعمل داونلوود للحاجة اللى انا عاوزها و خلاص هل هما ياترى فاتحيين المواقع ديه لله سايبين شغلهم و متفرغيين للدرجة دي ؟؟؟!!!!
لا يا كبير اقولك انا بقى
بص ياسيدي الموقع كأنك عندك محل بالضبط
ايه ؟؟؟
اه وربنا الموقع ذي المحل بالضبط
ياعم إحنا حنبتديها كدة متشكريين منك ياعمنا انا ماشي
خد بس تعالى عاوزك اهدى بالله كدة و حفهمك اشتري منى و ارمى البحر
بص ياكبير المحل لما بتفتحه مش بتدفعله إيجار و بتجيب بضاعة و تجيب صنايعية عشان المحل يشتغل و فى المقابل بيطلعلك مكسب وطول مانت مشغل المحل كويس بيجيلك زباين كتير و كويسيين صح كدة ..بجانب بقى إن انت لما بيتضبط معاك بتحاول تجر رجل زباين أكتر من اللى عندك وبتعملهم عروض مضبوط الكلام ده يابطل !
اه يابرنس مضبوط
طيب حيث كدة بقى يبقى استبينا ابتدى افهمك
بص ياسيدي المحل هو الموقع
الإيجار هو شركة الإستضافة (( حقولك مين البتاعة ديه بس اصبر على رزقك ))
الزباين هما الزوار بتوع الموقع
تمام بس كدة انت قلت كل حاجة و سيبت المكسب ؟
المكسب انت اللى بتعمله بشطارتك حفهمك متستعجلش
تعالى نقيس موقع من المواقع المشهورة مثلا ذي إيجي أب أو ماي إيجي أو عرب سييد أو مزيكا توداي أو برامج نت
كل اللى انا قلتهم دول منتديات معروفة اعتقد لدى معظم العرب
تعالى نمسك ماي إيجي مثلا
انت بتفتح الموقع تلاقى افلام اغانى العاب برامج و..و...وووو...إلخ
بتنزل اللى انت عاوز تنزله و تخلع
طيب انت تعرف إن ورا الموقع اللى انت فاتحته ونزلت حجتك وخلعت ده مجتمع عملى كامل فيه الافات الأعضاء
قبل ماتسأل حقولك انا
الموقع لما بتفتحه اوقات بيفتح معاه مواقع تانية المواقع التانية ديه إسمها إعلانات
اه هى ديه اللى بتكسب الموقع بقى؟!
اه يامعلم هى ديه
بس ديه فيه منها كذا حاجة فيه منها إعلانات تبع جوجل وفى إعلانات خاصة بإدارة الموقع وفى إعلانات تبع شركات تانية
تمام لو مثلا تبع جوجل وحنتكلم فى الحوار ده بعدين بتقبض على الضغطة الواحدة او الرؤية الكاملة لكل إعلان يعنى كل واحد بيفتح معاه الصفحات ديه صاحب الموقع بياخد فلووس.. اه فلوس قليلة جدا كمان بس مع العدد ولما يبقى موقعك مشهور بتعمل مبلغ لا بأس به
طيب ولو إعلانات خاصة بالإدارة او الإدارة هى اللى بتنسق الإعلان مع المستفيد.. فى الحالة ديه بيبقى إتفاق بين الأتنين على مساحة معينة مثلا و بيدفع كل شهر مبلغ معين ذي لما تخش موقع كدة وتلاقيه كلمة مساحة إعلانية
هى ديه اللى انا بتكلم عليها
طيب هو بيكسب من الإعلانات بس ؟
لالالا فى حاجات تانية كتير ممكن يستغلها عشان يكسب
ذي مثلا مواقع إختصار الروابط
و مواقع الكسب من المشاهدة للفيديو مثلا ايا كان
و مواقع الرفع
واحدة واحدة ياعمى ايه اللى انت عمال تقوله ده ؟
حقولك اللى انا قلته ده بس مش بالترتيب ححكيلك حكاية كدة و انت حتفهم بس ركز
بص ماي إيجي مثلا ده منتدى على فكرة الموقع بتاعه او المجلة بتاعته هى اللى يتقال عليها موقع لكنه فى الأصل منتدى
ماله بقى المنتدى ده؟
جوا منه اعضاء
بيعملوا ايه الأعضاء دول؟
الأعضاء دول فى منهم ناس إسمهم ابلودر او بالعربي ((رافعيين))
و اعضاء تانية غاوية شعر و أدب و حاجات كدة خلينا فى الأبلودرز
الأبلودرز دول بيجيبوا افلام او اي حصريات ايا كان نوعها ويرفعوها على المنتدى تيجي ناس مختصة بالمراجعة على مواضيعهم فى المنتدى اللى هما المشرفيين يراجعوا مواضيعهم لآن كل منتدى ليه شروط وقوانيين الموضوع اتنفذ صح بشروطه وقوانينه و شايفينه يستحق يتحط على مجلة المنتدى بيتنقل على طول على المجلة وذي ماقلت قبل كدة المجلة هى الموقع اللى سعدتك بتخش تعمل داونلوود من عليه !
طيب هو الأبلودر ده بيستفاد ايه من اللى هو بيعمله ده ويتعب نفسه ليه عشان خاطر يجي واحد ذي ينزل الحاجة و خلاص؟
اكيد بيستفيد اصلك انت زبون ايوة زبون و انا زبون و كلنا زباين ايه المشكلة ماهو التاجر بيبيع و يشتري لما بيشتري بيبقى اسمه زبون قشطة يعنى
طيب الباشا ده بيكسب من المواقع اللى انت بتعمل داونلوود من عليها
filefactory -letitbit وكدة
ايوة ياريس السيرفرات ديه... قبل ماتسأل برده حجاوبك انا
طيب وده بيكسب منهم إذاي ؟؟؟ وبياخد فلوسه فى كيسة ولا فى شوال ؟؟
لا ياخفة ولا كيسة ولا شوال
الراجل ده بيبقى قدامه كذا طريقة للربح وهما كالأتى
إما ياخد على كل 1000 داونلوود مبلغ معين على الأقل بيبقى 1 دولار وممكن يوصل ل 25$
او ياخد على كل نفر يجيبه مشترك من تحته ياخد عليه عمولة فى كل مكاسبه من غير ماينقص منه هو ولا مليم
او ياخد على كل اكونت برميم بيتباع للموقع ده عن طريقه و الطريقة ديه أغلبية اصحاب المواقع بيعملوها عشان يزودوا طرق الربح من موقعهم
طيب بياخد الفلوس ديه إذاي ؟؟
فى حاجة إسمها بنوك إلكترونية البنوك ديه من اشهرها بنك إسمه paypal و بنك اسمه alertpay
هو بيبقى ليه رصيد فى مواقع الرفع ديه بيحوله على البنوك ديه و بعد كدة بيجيبه هنا مصر على حسابه البنكى او ممكن يبيعه من غير مايحول ولا حاجة لآي حد شغله بالبنوك ديه
لغاية هنا حوقف شرح إنهاردة و انا عارف إن فى اسئلة دارت كتيرة فى دماغكم انا مش عاوزكم تترددوا إنكم تسألونى و إن شاء الله حجاوب على كل اسألتكم و على فكرة انا سايب حاجات مشرحتهاش عشان اتسأل فيها عشان مينفعش أقول كل حاجة فى الموضوع
اولا حيبقى كبير و ممكن تكسل تقراه و انا بحاول الم العملية شوية و مافيش فايدة برده مهما ماعملت حيطلع طويل
ثانيا عشان عاوز اشوف الناس اللى ناوية تتابعنى و غاوية تتعلم ؟
اخر حاجة حقولها انا لو قدرت باليل وربنا كرمنى حكمل لكم جزء كمان من الموضوع ولو مكنش كل يوم إن شاء الله حنتكلم فى موضوع جديد
و اتمنى من الله عز وجل إنه يوفقنى فى الشرح ويوفقكم فى الإستيعاب و الفايدة
