Search

‏إظهار الرسائل ذات التسميات الربح من الإنترنتInternet Earning. إظهار كافة الرسائل
‏إظهار الرسائل ذات التسميات الربح من الإنترنتInternet Earning. إظهار كافة الرسائل

الأربعاء، 21 نوفمبر 2012

What Is Windows Server?!

What Is Windows Server?

how it Work ?

Why I Have to use it?

windows server

is a computer with out screen just (c p u)  have a huge amount of rams ,processor,hard & un believe able internet speed may be up to 10 giga bite speed
****************************************

The Best Countries have This Service 

 America - Germany- France
****************************************

usage of Windows Servers

 uploaders using it too much  (the reason ) is  upload and download speed to save their exclusive things 
 ****************************************

How I Can Contact Windows Server from My Pc !.

u can do it through remote desktop it `s in ur start menu 
usually will find the short cut @ websites for this service is RDP
 we will find how in next pictures 





 How Much Is This Service Coast?

may be Start From 10$  and u can pay more as u want it`s depend on ur (r d p) details u need.


      

يعنى ايه ويندوز سيرفر windows server

يعنى ايه ويندوز سيرفر ؟


ايه فايدة الويندوز سيرفر ؟


شرح الويندوز سيرفر ؟ 

تعريف الويندوز سيرفر

بالبلدي كدة هو عبارة عن جهاز كمبيوتر بس إمكانياته عالية جدا يعنى مثلا بيوصل ل 32 جيجا رامات  هارد طبعا كبير جدا وبروسيسور يستحمل الكلام ده وسرعة نت بتوصل ل 10 جيجا ايوة جيجا 

 اكتر البلاد التى بها شركات لتأجيره و أحسنها 

امريكا - فرنسا - المانيا

إستخدام الويندوز سيرفر 

أكثر مستخدمينه هم الأبلودر و أظن السبب واضح وهو سرعة الأبلود و الداونلوود من عليه عشان يحافظوا على حصرياتهم  

*عمال تقولى امريكا وفرنسا و المانيا ياجدع انت انا بقولك انا مصري حروح اسافر عشان أعمل أبلوود ؟؟؟!!! 

انت لو كنت صبرت كنت حتلاقى الإجابة فى السطر اللى جاي

كيفية توصيل جهازك بالويندوز سيرفر   

بص ياسيدي الويندوز سيرفر ذي ماقلنا قبل كدة بيبقى موجود فى الخارج  خارج بلادك غالبا يعنى طيب بتعمل كونكشن او وسيلة إتصال بينك وبينه إذاي 

عن طريق حاجة إسمها remote desk top  حتى هو بيبقى إختصاره RDP

ده موجود عندك على الجهاز حتشوف شرح الأتصال بتاعة بيبقى إذاي فى الصور بتدخل IP وUSERNAME و PASSWORD وبكدة يبقى إسمك عملت كونكشن للسيرفر او ربط نفسك بيه وتقدر تعمل داونللود و ابلود من عليه 

الشرح بالصور

 

 

 

كيف أحصل على ويندوز سيرفر ؟

فى مواقع كتيرة جدا لإيجار الويندوز  سيرفر و بأسعار معقولة  تبدأ من أول 50 جنيه وتوصل لغاية مانت عاوز بقى انت و إستخدامك و الإمكانيات اللى انت شايفها تناسبك ممكن تكتب على جوجل وتعمل سيرش  حتلاقى كتير ومن داخل مصر فى ناس ياما بتأجره شهريا لو حد محتاج واحد ممكن يسيب تعليق

 

 

الجمعة، 16 نوفمبر 2012

طريقة الربح من إنشاء تراكر


يعنى أيه تراكر ؟

أو ايه هو التراكر؟

التراكر:

هو عبارة عن موقع منشىئ على سيرفر كبير لسيتوعب كل الداتا التى عليه حيث إنه وفى الغالب يعتمد على التحميل والرفع بواسطة التورنت 

وظيفته والفائدة منه :

يمكنك من متابعة الحصريات أول بأول اياكان نوعها حسب إختصاصه((أفلام عربي- أفلام أجنبى-برامج-أغانى....إلخ))

وجه الإستفادة من إنشاءه:

التراكر يعتمد فى الغالب على التبرعات والإعلانات أيضا لكن الجزء المهم هو التبرعات من الأعضاء فى سبيل إبقاء التراكر موجود على قاعدة البيانات 

مميزاته:

بالنسبة للتراكرات الخاصة فقط تمنع خاصية الrootحتى لايستطيع أي محرك بحث بالوصول إلى الداتا الخاصة بها الموجودة بها  وبذلك هى تحافظ على حصريتها لصلالح الأعضاء فقط 

طريقة التعامل مع التراكرات الخاصة:

كعضو يكون لك نسبة تسمى نسبة الراشيو ratioوهى عبارة عن مجموع ماقمت بتحميله ورفعه ونسبة نشاطك فى التراكر ولك نقاط ايضا يمكنك تحويلها فى بعض التراكرات إلى عضوية ذهبية او أيا كان إسمها على حسب كل تراكر 

الفكرة من إنشاء التراكر :

التراكر مكلف وليس بالسهل أن ينشأه أي شخص ولكن لنفترض إنك قمت بإنشاء تراكر فأنت بحاجة إلى أعضاء وإلى مصادر حصريات خاصة بك قبل البدء فى عمل مشروع مثل هذا وهذا هو الجزء الصعب  علما بأن التراكر الخاص يكون به عدد أعضاء محددلايزيد عنه  وفى الغالب يقوم بفتح التسجيل فيه إما عن طريق نظام الدعوات أو إنه يفتح التسجيل فى العام مرة أو مرتين

اللى عنده سؤال بخصوص الموضوع يتفضل فى التعليقات ؟

الأربعاء، 14 نوفمبر 2012

إذاي أجيب الفلوس من البنوك الإلكترونية لبلدي ؟

بسم الله الرحمن الرحيم

بتتعامل مع بنوك إلكترونية ومش عارف تجيب فلوسك ؟

ايه هو الباي بال و المونى بوكرز والبايزا ؟؟

اولا : تعريف البنوك الإلكترونية 

البنوك الإلكترونية مثل البنوك العادية وهذه البنوك معترف بها رسمياً ودولياً وقد انتشرت البنوك الإلكترونية انتشاراً كبيراً ووصل عدد مستخدميها إلى الملايين منذ ظهورها عام 1995 وأصبحت معظم الاستثمارات الإلكترونية تتم عبر هذه البنوك حيث تتيح لك البنوك الإلكترونية دفع الأموال إلى أي شركة تريد الاستثمار فيها وهي وسيلة لسحب أرباحك من الشركات الربحية إلى حسابك فيها كما تستطيع عن طريق البنوك الإلكترونية التسوق عبر الإنترنت و بإمكانك إرسال الأموال من وإلى أي شخص في العالم يملك حساباً في بنك إلكتروني .

أشهر البنوك الالكترونية :
*بنك الباي بال

من أشهر البنوك ويعتبر من اولهم وفى الغالب كل الشركات والمواقع تتعامل به وذلك يرجع إلى قدمه وشهرته الخاصة بالحماية يمكنك تحويل ارباحك من مواقع الربح إليه بكل سهولة مقابل نسبة بسيطة يأخدها هو كوسيط وأيضا يمكنك إرسال و إستقبال المال من أي وإلىأي صديق او شركة بالعالم .. العيب الوحيد فيه إنهمش بيبعت لمصر بس وده سببه حادث حصل زمان فى المنصورة  بس ليه حل دلوقتى إنك تقدر تستخدم موقع www.payoneer.com والموقع ده وظيفته إنه بيتأكد من بياناتك فى أي حتة فى العالم ويديك بيانات أمريكية بدل منها وبكدة يكون حللك المشكلة و فى نفس الوقت انت ممكن متبعتش الفلوس على أي بنك مصري فى ناس كتير عندنا و انا منهم بيتعاملوا بيه وبيبقوا محتاجين رصيد عليه ممكن تبعلهم رصيدك 

 
* بنك الأليرت باى
يعتبر من أشهر البنوك الالكترونية ، يعد الابرز استخداما فى الشركات الربحية مثل شركات الــ PTC و غيرها .
طرق السحب و الشحن متعددة ابرزها التعامل مع "وسيط" او استلام شيك على عنوان المنزل ولكن ننصح دائما بالتعامل مع وسيط كافضل واسرع و أأمن وسيلة للشحن والسحب من البنك.
البنك مناسب جدا للجدد في الربح من النت على اعتبار ان معظم شركات الربح تتعامل معه .
البنك يطلب تفعيل الحساب عن طريق ارسال صورة للبطاقة الشخصية من الجهتين + صورة لوصل كهرباء او مياه لتاكيد العنوان.

http://www.alertpay.com

***********************************************
* بنك الليبرتى
يعتبر البنك المناسب للمتعاملين فى سوق الفوركس حيث يتعامل مع اشهر وابرز شركات الفوركس بالاضافة الى شركات الهايب ويتعامل ايضا مع بعض المواقع الربحية.
البنك سهل التعامل و امن جدا.
لا يتطلب التعامل مع البنك ادخال مستندات خاصة حيث لا يطلب تفعيل للحساب
وبعد فتح الحساب يكون حسابك جاهز تماما لارسال واستقبال الاموال بأمان تام.
للشحن و السحب من البنك يتم التعامل مع وسيط .


http://www.libertyreserve.com

***************************************** 


بنك المانى بوكرز
يعتبر من ابرز البنوك في التسوق على الانترنت ويعتبر بديل لبنك الباى بال الغير متوفر فى مصر وبعض الدول العربية حيث تستطيع شراء المواقع وغيرها من المنتجات بسهولة تامة.
بعض شركات الفوركس تتعامل مع المانى بوكرز.
تستطيع ربط حسابك في المانى بوكرز بالفزيا الخاصة بك وتستطيع الشحن والسحب من البنك بسهولة تامة كما يمكنك التعامل مع وسيط ايضا.
البنك يتطلب تفعيل للحساب، والتفعيل يكون من خلال بين كود يصلك على عنوان المنزل تقوم بادخالة لتفعيل الحساب.

http://www.moneybookers.com

******************************************** 

ملاحظات هامة
1 ) الوسيط هو شخص يقوم بالشحن او السحب من البنك الالكترونى للافراد مقابل نسبة بسيطة من المبلغ، حيث تقوم بارسال للوسيط المبلغ المراد تحويلة ثم يقوم الوسيط ارسال ما يعادل المبلغ، وتقوم باستلام اموالك بتحويل رصيد او مقابلة مع الوسيط ويوجد قسم خاص لطلب الشحن والسحب ويوجد وسطاء ثقة في بعض المنتديات


2 ) البيانات والمستندات التى يطلبها البنك اثناء فتح الحساب تكون سرية تماما وفى امان تام، فلا تخشى ارسال بياناتك للبنك الالكترونى .

3 ) الرقم السرى والسؤال السرى يجب الحفاظ علية وعدم اعطاء اي بياناتك لاى شخص او شركة أيا كان وتحت اي ظرف.

4 ) لا تقم بالدخول على البنك من خلال لينكات رسائل خاصة على الاميل على الاطلاق، حيث ظهر في الفترة الاخيرة بعض الصفحات المشابهة التى يصممها البعض لسرقة الحسابات من الافراد، قم بكتابة اسم الموقع بنفسك.

5 ) عند الدخول لصفحة تسجيل الحساب ( login ) تأكد من وجود علامة الحماية
بجانب عنوان الموقع.


بعد توضيح مفهوم البنوك الالكترونية من الجدير بالذكر توضيح استخدام VISA الانترنت لتكتمل الصورة امام الجميع .

جميع مواقع الشراء الموجودة على النت تقبل الفيزا وهي الابرز فى عمليات الشراء وفي التعامل مع شركات الفوركس ايضا حيث تقبل جميع شركات الفوركس استخدام الفيزا في الايداع والسحب.

يمكن ايضا استخراج فيزا للنت من خلال بنك NSGB او بنك BNP Paribas و غيرها من البنوك الاجنبية و لكن هذا يتطلب فتح حساب في البنك .
 
 
 

  

الثلاثاء، 13 نوفمبر 2012

الربح من الأبلووود

بسم الله الرحمن الرحيم

الربح من الأبلوود 

إذاي ابقى ابلودر ؟

الأبلودرز بيجيبوا الحصريات منين ؟

هو الأبلوود بيكسب ؟!

موضوعنا النهاردة عاوز تركيز شوية  

الأول كدة يعنى ايه ابلودر  UPLOADER

الأبلودر هو شخص بيشتغل فى منتدى بيجيب حاجات حصرية ذي افلام مثلا لسة نازلة أغانى برامج حاجات كدة لسة جديدة ويقوم جى رافعها على المنتدى وتدخل حضرتك تعملها داونلوود وهو بيكسب من كدة

حلو كدة 

طيب نشرح التعريف ده حتة حتة عشان نفهم 

اول حاجة إن الأبلودر بيشتغل فى منتدى 

((المنتديات المعروفة لدى معظم العرب))((المشاغب-ماي إيجي - إيجي أب - عرب ليونز - مزيكا توداي - برامج نت)) وكتير غيرهم 

حاجات حصرية : افلام  أو أغانى أو برامج  أو  أو 

هنا بقى نسأل هو بيجيب الحاجات ديه من اين ؟؟؟  صح ده السؤال اللى كله عاوز يسأله ومش عارف إجابته 

بص ياسيدي عمرك سمعت عن موقع تورنت بس خاص 

واحدة واحدة يابرنجى يعنى ايه اصلا تورنت ؟

اه .. هو انت اصلا متعرفش يعنى ايه تورنت 

طيب واحدة واحدة كدة وركز معايا 

التورنت ده ذي الداونلود اللى انت بتعمله بس الفرق إن الداونلوود اللى انت بتعمله بينزل على طول وملكش علاقة بحد 

مش فاهم برده 

التورنت فكرته قايمة على المشاركة يعنى مثلا لو انا و انت ومحمد وحسنين و إبراهيم بنزل نفس الفيلم من نفس الحتة الفيلم بيتقسم علينا وكل واحد بياخد الجزء اللى عند التانى لغاية مايكمل الفيلم عندنا كلنا 

التورنت ده بيبقى ليه برنامج 

ماعلينا المهم بيجيب الحصريات ديه غالبا من حاجة إسمها تراكر اللى هو موقع تورنت بس مش متاح التسجيل فيه معظم أوقات السنة حبقى افهمك فكرة عمله فى الموضوع اللى جاي حيبقى خاص بيه وبشرحه وححطلك رابطه هنا 

نكمل التعريف بقى يقوم جاي رفعها (هو ده لب الموضوع ) رافعها 

الرفع بيتم إذاي 

ركز عشان حندخل فى كذا حوار  

اولا حد يعرف أعلى سرعة للأنترنت فى مصر هنا كام 

48 ميجا ديه أعلى سرعة وطبعا فى أماكن معينة ومش بتطلع لآي حد ديه بحاجة كدة ذي ترخيص 

بتسأل السؤال ده ليه ؟

عشان عاوز أقولك إن معظم الشعب المصري ياإما عنده 512KB او 1MEGA

طيب الأبلودر دول لو حيرفعوا ع السرعة ديه فيلم مثلا 500ميجا مش حيخده وقت أقل من 10 ساعات 

امال إذاي الناس ديه بتجيب الحصريات فى ساعتها يافالح ؟؟

 الناس ديه صايعة  ايوة ناس صايعة و انا عارف السر بقى 

السر ....ويندوز سيرفر   

يعنى ايه ويندوز سيرفر ؟

السيرفر هو جهاز بس إمكانياته عالية شويتين يعنى مثلا ممكن يوصل ل 32 جيجا رامات وهارد 10 طيرا وسرعة نت توصل ل 10 جيجا

شوف هو انا ممكن اعديلك كل اللى انت قلته ده بس انت أكيد كنت تقصد 10 ميجا         لا ياكبير انا أقصد فعلا 10 جيجا خلينا بس فى المهم السيرفر ده بيبقى فى شركات بتأجره يعنى انت مثلا ممكن تجيب سيرفر من أول 40جنيه مثلا وفى 60 و 100و 500 وذي مانت عاوز على حسب المواصفات الخاصة بيك انت  وبالنسبة لأكثر البلاد اللى ثابتة كفاءة فى الحوار ده هما امريكا وفرنسا و ألمانيا ديه الأماكن اللى بيبقى موجود فيها السيرفرات 

اه خلى بالك بتبقى أسمها RDP   

إختصار REMOTE DESKTOP لآن ديه الوسيلة اللى انت بتعمل اتصال بيها من الجهاز بتاعك للسيرفر ده 

ماشي طيب فطبعا مش محتاج أقلك سرعة التنزيل و الرفع على السيرفر  بتبقى عاملة إذاي انا عاوزك انت تتخيل و تنسى ال 50 كيلو اللى انت بتعمل بيهم داونلوود دول 

طيب الجزء التانى فى الرفع بقى هو إنت لغاية دلوقتى عمال تدفعنى فى فلوس طيب انا امتى حاخد فلوس 

جيلك أهوه دلوقتى

عارفين المواقع اللى انتم بتعملوا داونلوود من عليها ذي 

FILEFACTORY  

LETITBIT

DEPOSITEFILES

FILERIO 

hotfile 

ezzfile 

  كل المواقع اللى فوق ديه انت بتعمل داونلوود من عليها وغيرها كمان  كل ال بيعملوا الباشا بعد مابينزل الفيلم من على التراكر بيضغط الفيلم وبيحط عليه حقوقه وبيترجمه ويرفعه على المواقع ديه   

الكلام اللى بالدهبي ده حيتشرح لوحده فى موضوع تانى حيتحط رابطه فى الكلام 

خلينا بس الاول فى المهم 

المواقع ديه ليها حاجة إسمها نظام المكافأت او affiliate - referrals

ده بيبقى بكذا طريقة من ضمنهم إنك تحطلهم إعلاناتهم عندك فى الموقع مثلا او إن أي حد يسجل عندهم عن طريقك ويرفع ملفات وناس كتير تنزل ملفاته وهو يكسب و انت كمان ليك نسبة من ارباحه من غير ماينقص منه ولا مليم  او لو حد اشترى من عن طريقك اكونت برميم او حساب ليه مميزات عن الحسابات العادية حضرتك بيبقى ليك نسبة فى البيع 

الطريقة المعروفة بقى انك بتاخد ع كل 1000 تحميلة من ملفاتك من أول 1دولار لغاية ممكن توصل ل 25دولار  وده بيختلف ع حسب الدولة اللى بتعمل داونلوود  

ايوة كل دولة وليها تمن حضرتك ده نظام المواقع او السيرفرات ديه 

 سؤال ع ماشى كدة اشوفك صاحى معايا ولا لآ؟؟

طيب هى المواقع ديه بتدفع فلوس للأبلودر عشان خاطر الأكونتان البرميوم اللى بيبعوها عن طريقهم بس ؟؟    

لالالالا كان زمانهم فلسوا من زمان 

الإعلانات ياريس حضرتك وانت داخل بتحمل فى كمية إعلانات بتتفتح هى ديه الى بتعمل الشغل وبيديهم نسبة منهم 

اظن كدة وصلت السؤال ده كان محيرنى انا نفسي لغاية فترة قريبة 

اصل مش حضرتك ولا 1000000 بس اللى بيعملوا داونلوود من عندهم يعنى مثلا رابيد شير ده فى كام مليون واحد بيعمل داونلوود من عنده كل يوم  وقول ياعم 10% بس هما اللى بيفتحوا الإعلانات     وصلت أكتر 

بس بالمناسبة رابيد شير و ميديا فير و فيل كلود مش ربحيين 

 بس ياكبير انا كدة وضحتلك الدنيا شوية وبرده كالعادة سبت مساحة للأسئلة 

تحت امركم وحشرح باقى الموضوع فى توبيك تانى عشان فيه متعلقات بالموضوع عارف إنها فى ناس بتدور عليها    

التوبيكات اللى جاية الخاصة بالموضوع بتاعنا حتبقى 

شرح وافى للويندوز سيرفر 

شرح وافى لفكرة عمل التراكر

 شرح وافى لضغظ و إضافة الحقوق على الأفلام وترجمتها 

شرح وافى لكيفية تحويل الفلوس من حسابك الخاص فى مواقع الرفع لغاية باب البيت ؟

وبكدة إن شاء الله نكون خلصنا الأبلوود تماما    

شرح التعامل من داخل المدونة


 



 بسم الله الرحمن الرحيم


السلام عليكم ورحمة الله وبركاته

إنهاردة إن شاء الله حنمسك المدونة تفصيلة تفصيلة إن شاء الله 

نقول بسم الله  وتابعوا معايا 

1

2

3


4

 



5

 

6


 المدونة وجوجل أدسنسن

7


 



8

طريقة إخفاء قسم فى المدونة وظهوره 

9



  10

طريقة تغيير إسم المدونة وتغير مواصفاتها

طريقة إضافة أدمن للمدونة او إضافة مشرف؟



تحت أمركم فى أي سؤال أو إستفسار


الأربعاء، 7 نوفمبر 2012

ايه هى المدونة وطريقة عملها من الألف للياء

بسم الله الرحمن الرحيم

طريقة عمل المدونة من الألف للياء !

يعنى ايه مدونة او blogger?

إذاي اكسب من المدونة و ايه طرق الربح منها ؟

 كل الأسئلة ديه إن شاء الله إجابتها هنا بس ركزوا معايا 

اولا  قبل اي حاجة ايه هى المدونة او blogger؟

المدونات ياسيدي هى مواقع شخصية سهلة الاستخدام ولا تطلب معرفة كبيرة بتصميم الصفحات وادارة المواقع، فهى مدعمة بتصميمات جاهزة أما ادراتها فهو امر سهل مثل سهولة التعامل مع البريد الإلكترونى.. بالإضافة إلى انها مجانية 

قشطة كدة !

عرفنا ايه هى المدونات و أكيد استنتجنا حنستخدمها فى ايه !

طيب اساعدك برده و أقولك تانى نفترض إنى دكتور ممكن اعمل مدونة عن إختصاصىو مجالى و افيد الناس و استفيد برده 

 احط علاجات لآمراض وأسئلة أو شكاوي 

نفترض إنى محامى مثلا ممكن اعرض حلول قانونية وبعض أمثلة قضايا وهكذا 

 طيب انا عندي محل بيبع جزم وهدوم ممكن اعرض منتجاتى على المدونة ؟

اه طبعا ممكن 

وبكدة اكون استفدت بتسويق مجانى لمنتجاتى   وإستفادة من الإعلانات اللى حتتحط عندي و من الزوار    

طيب تعالى بقى نعرف طريقة عمل المدونة(إذاي أعمل مدونة )

 سهلة جدا جدا جدا و فى 5 خطوات بس 

كلنا عندنا إميل فى g mail صح 

طيب اللى معندهوش إميل يعمل واحد  قبل مانبدأ كدة 

 بعد كدة 

خلاص عملت إميل  .. تابع معايا بقى 

الخطوة الأولى : 

ادخل على www.blogger.com

الخطوة الثانية :

نقوم بإدخال معلومات الحساب (( اكتب إميلك وباسوردك يعنى ))

الخطوة التالتة :

حتظهرلك صفحة جديدة فيها كلمة ((creat your blog now))  

((newblog))

لو عامل الصفحة بالعربي حيبقى بدالها *إنشاء مدونة*

 

الخطوة الرابعة:


حتظهرلك نافذة فيها حاجة إسمها title و address 


تابع الشرح فى الصورة

 

 

     كدة الحمد لله عملنا المدونة بتاعتنا ابتدي بقى املاها يامعلم بالمحتويات اللى انت عاوزها وضبطها كدة عشان تضبطك 

شرح عمل المواضيع بداخل المدونة ومشاركاتك شرح خاص من هنا 

طيب تمام لغاية كدة اكسب إذاي بقى منها ؟ 

بص ياسيدي  فى حاجة إسمها جوجل ادسنسن google adsensen 

كنا اتكلمنا عنها قبل كدة لو تفتكر.. ماعلينا المهم جوجل ادسنسن ده طريقة للربح سواء للمدونات او للمواقع وطبعا اللى بيوفرهالك جوجل و فيه غيرها من الطرق اللى ممكن تكسب منها لكن ربما نشرح

جوجل ادسنسن

  بالذات بتوضيح أكتر عشان ديه اكتر وسيلة ربح مشهورة و اللى اغلبية الناس بتروحلها و بالنسبة للشركات التانية ربما تكون افضلك .. بس ده انت اللى حتحدده بعد كدة بس تعالى نشرح جوجل ادسنسن  

 
ادسنسن ليه شروط ولازم توافق عليها و تلتزم بيها عشان يوافق على إنه يديك إعلانات و ميقفلش حسابك وشروطه هنا فى الرابط ده 
 طيب بعد ماتقرا الشروط اللى هنا تعالى بقى نقدم على جوجل ادسنسن  تابع الشرح بالصور ياكبير الكلام ده حتعمله بعد ماتدخل مدونتك
1
2
3
طبعا حنفترض إن إحنا معندناش اكونت على ادسنسن و حندخل نعمل واحد

 

كدة ياباشا انت بعت الطلب و فى إنتظار الرد و إن شاء الله يوصلك فى أقل من 3 ايام بالقبول بس مش حيتقبل إلا لو ضبط المدونة صح وكان بيدخلها زوار كتير
حيجي واحد حلو دلوقتى يسألنى طيب هو انا حاخد فلوسى إذاي؟؟؟
ارد وأقوله امال حضرتك سبتله عنوانك ليه فوق و بياناتك الشخصية  يعنى ياريس حيوصلك شيك على عنوان بيتك من جوجل القيمة الأدنى للدفع هى 100 دولار  او ممكن يبعتهولك من على western union
 برده انا خلصت جوجل ادسنسن فى ابسط الأمثلة من غير الكلام و المصطلحات المكلكعة اللى عاوز يسأل فى حاجة ميترددش انا سايب مساحة للأسئلة فى الموضوع وحيتحط إجابات لكل إستفسارتكم إن شاء الله 
لآن ده مش شرح تفصيلي قوي انا عاوز الناس تسأل

طيب اخر حاجة بقى فى شركات تانية غير google adsensen بتعمل نفس الكلام ده وشروطها أقل حدة من جوجل  حديكم امثلة عليها ذي مثلاsmowtion-bidvertiser-clicksor-amazon - ebay-click bank- info link وفى شركات تانية كتير جدااا وفى مواقع لجذب الزوار او لتبادل الزوار بمعنى اصح فى كتير جدا برده حنتكلم عنهم بإستفاضة بعدين
 انا كدة خلصت موضوع إنهاردة يارب يكون الشرح عجبكم
تم بحمد الله